எல்லோரும் ஒரு தடவை ஜோரா கை தட்டுங்க!
தமிழ்நாட்டின் அடுத்த புது வரவு "தயா" டிவி.
தென்னகத்து சிங்கம், மதுரையை 'மீட்ட' சுந்தரபாண்டியண், தமிழ்த்தாயின் தலைமகன், அஞ்சாநெஞ்சன் (அட, போதும் விடுங்கப்பா..!) அண்ணன் அழிகிரி அவர்கள் ஆரம்பிக்க போகும் தொலைக்காட்சி அலைவரிசை "தயா" டிவி. மகன் பெயரில் (தயாநிதி) டிவி ஆரம்பிக்கிறார் என்கிறார்கள் மற்றவர்கள். என் அம்மா பெயரில் (தயாளு) ஆரம்பிக்கிறேன் என்கிறார் அழகிரி.
இதற்கு சன்டிவி தரப்பிலிருந்து கடும் ஆட்சேபம் தெரிவிக்கப்பட்டதாம். (கலைஞர் டிவியிலிருந்து எதிர்ப்பு தெரிவிக்கலையோ????!!!)
சில நாட்களுக்கு முன்பு அழகிரி மகள் அமெரிக்கா சென்றார், தற்போது மத்திய அமைச்சர்கள் அழகிரியும், தயாநிதி மாறனும் அமெரிக்கா சென்றுள்ளனர், கலைஞர் மகள் செல்வியும் அமெரிக்கா சென்றுள்ளார் (செல்விதான் மாறன், கலைஞர் குடும்பங்களுக்கு மீடியேட்டராக இருப்பவர்).
அமெரிக்காவில் அனைவரும் உட்கார்ந்து அரசியல், குடும்பம், தொழில் என்று பல விஷயங்களை விரிவாக பேசினார்களாம். ஆக 'ஒப்பந்தம்' இறுதி செய்யப்பட்டு "தயா" டிவிக்கு "clearance" கொடுக்கப்பட்டதாம். டிவி தயாரிப்புக்கு உண்டான வேலைகள் மளமளவென்று ஆரம்பித்துவிட்டது.
"சேட்டிலைட் டிவி தந்த சிங்கமே", "அலைவரிசை தந்த அண்ணலே", "புத்தனுக்கு கயா தமிழுனுக்கு தயா"... என்று போஸ்டர் ஒட்ட தயாராகிவிட்டார்கள் உடன்பிறப்புகள்.
சன்டிவி, தினகரன் உடன் ஏற்பட்ட மோதல் காரணமாக தனியாக ஒரு பத்திரிக்கை ஆரம்பிக்க இருக்கிறார் உதயநிதி ஸ்டாலின் என்பது கொசுறு செய்தி.
No comments:
Post a Comment