வினையைத் தாண்டி

இன்றைய தினகரனில் சினிமா பகுதியில் அரை பக்கத்திற்கு உதயநிதி ஸ்டாலின் பேட்டி வந்திருக்கிறது. இதில் என்ன ஆச்சரியம் என்கிறீர்களா? தினகரனை சன் குழுமம் வாங்கிய பிறகோ, உதயநிதி ஸ்டாலின் சினிமாவுக்கு வந்தபிறகோ அவரது பிரத்யேக பேட்டி தினகரனில் வந்ததுண்டா?

குடும்பம் ஒன்று என்றாலும் தொழில் என்று வந்துவிட்டால் கறராக இருப்பது பெரிய இடங்களில் சகஜம் தான். சன் டிவியின் ஓய்வில்லாத விளம்பரங்களையும் மீறி "தீராத விளையாட்டுப் பிள்ளை" படுத்துவிட்டது. இந்த நேரத்தில் காதலை மையமாக வைத்து "விண்ணைத் தாண்டி வருவாயா" வந்து விளையாட்டுப் பிள்ளைக்கு இருந்த கொஞ்சநஞ்ச கூட்டத்தையும் இழுத்துக் கொண்டது.

இதனால் கடுப்பான சன் தரப்பு விண்ணைத் தாண்டி வருவாயாவை பத்திரிக்கை, டிவி விமர்சனங்களில் கண்டபடி விளாசியது. இதனால் இப்படத்தின் விநியாகஸ்தரான உதயநிதி எரிச்சலும் கோபமும் அடைந்தார். பிறகு யார் செய்த சமாதானமோ இப்பொது நாங்கள் ராசியாகிவிட்டோம் என்று சொல்லாமல் சொல்ல வந்துள்ளது உதயநிதி பேட்டி.